????????????????????????????????????
KK i Malishevës, miratoi buxhetin afër 14 milion euro për vitin 2018
21/09/2017
Institucionet
Kuvendi i Komunës së Malishevës, ka vazhduar mbledhjen e tetë të rregullt, ku në rend dite ishte leximi i dytë i projekt buxhetit për vitin 2018. Anëtarët e Kuvendit të Komunës së Malishevës, me shumicë të votave, e kanë miratuar projekt buxhetin 2018-2020, me theks të veçantë buxhetin për vitin 2018, ku përfshihen edhe investimet kapitale. Buxhetin para anëtarëve të Kuvendit të Komunës së Malishevës, e ka prezantuar drejtori i Drejtorisë për Ekonomi, Buxhet dhe Financa, Vesel Krasniqi, i cili ka sqaruar edhe mënyrën e hartimit të projekt buxhetit, si dhe mënyrën e hartimit të listës së projekteve për vitet në vijim, listë e cila është përpiluar, duke u bazuar në kërkesat dhe nevojat e banorëve të Komunës së Malishevës. Buxheti për vitin 2018, do të jetë afër 14 milion euro (13,822,807.00 €), kurse buxheti për investime kapitale për vitin 2018, është 4 milion e 392 mijë e 811 euro. Përndryshe kjo mbledhje, shënon edhe mbledhjen e fundit të kësaj përbërje të Kuvendit të Komunës, dhe me këtë rast, anëtarët e Kuvendit të Komunës së Malishevës, i ka përshëndetur edhe Kryetari i Komunës, Ragip Begaj, i cili i ka falënderuar për bashkëpunim katërvjeçar, duke e vlerësuar lartë punën dhe angazhimin e të gjithë anëtarëve të Kuvendit të Komunës së Malishevës. Edhe kryesuesi i Kuvendit të Komunës së Malishevës, Aziz Thaçi, në fund të mbledhjes i ka falënderuar të gjithë anëtarët e Kuvendit të Komunës, për kontributin e tyre që kanë dhënë gjatë këtyre katër viteve.
Kontrolloni gjithashtu
Fillojnë vizitat sistematike të nxënësve të klasave të para dhe pesta të shkollave të komunës …
Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
