Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Kosovës, Ramush Haradinaj, priti sot në takim presidentin e NDI-së, Kennet Wollak, i cili po e viziton Kosovën për herë të parë, i shoqëruar edhe nga drejtori i NDI për Evropën Qendrore, Robert Benxhamin dhe drejtori i NDI-së për Kosovën, Aleksander Cavarria. Kryeministri Haradinaj e informoi presidentin e NDI, Wollack për situatën aktuale në Kosovë si dhe për hapat e mëtejmë që është duke ndërmarrë Qeveria për përmirësimin e jetës së qytetarëve të vendit. Zotëriu Kenneth Wollack, e siguroi kryeministrin Haradinaj se NDI-ja do të vazhdojë të mbështesë Kosovën, duke i përcjellë në veçanti përshëndetjet e ish-Sekretares së SHBA-ve, Madeleine Albright. Kryeministri Haradinaj dhe presidenti Wollack, e mirëpritën idenë e bashkëpunimit më të ngushtë ndërmjet Kosovës dhe NDI edhe në të ardhmen.
