Komuna e Malishevës përkrahë pemishtën “Idesa” me një atomizer

11/11/2017 Institucionet

Komuna e Malishevës, në kuadër të përkrahjes së bujqve në përgjithësi, ka përkrahur me një atomizer tërheqës për spërkatje pemishten “Idesa” në Carrallukë. Ndihma e komunës, është bërë me qëllim të lehtësimit të punës së kësaj pemishte, e cila është pemishtja më e madhe në Komunën e Malishevës. Këtë pemishte, me rastin e marrjes së makinës spërkatëse, e kanë vizituar kryetari i Komunës së Malishevës, Ragip Begaj dhe drejtori për bujqësi, Murat Hoxha, të cilët e kanë përgëzuar pronarin dhe i kanë dëshiruar suksese në punën e tij, në kultivimin e pemëve. Atomizeri tërheqës, ka kapacitet prej dy mijë litrave dhe bën spërkatjen e pemëve në gjatësi dhe gjerësi të konsiderueshme, kurse për këtë pemishte ka qenë mëse e nevojshme. Përndryshe, pemishtja “Idesa” ka mbi tetëdhjetë hektarë me pemë, dhe çdo ditë e më tepër është duke e shtuar veprimtarinë e saj, duke u bërë njëra prej pemishteve më të suksesshme, jo vetëm në Malishevë, por edhe më gjerë.

Kontrolloni gjithashtu

Me ftesë të kryetarit Kastrati udhëheqja e komunës së Meyrinit (Zvicër) po qëndron në Malishevë

Me ftesë të kryetarit të Komunës së Malishevës, Ekrem Kastrati, një delegacioni i komunës së …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara