Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryesia e Organizatës së Veteranëve të Luftës së Ushtrisë Çlirimtare të Kosovës, në mbledhjen e rregullt përveç tjerash diskutoi edhe për funksionimin e komisionit mjekësor për shkallën e invaliditetit të Veteranëve të UÇK-së, të cilët kanë fituar statusin e invalidit të luftës nga komisioni verifikues qeveritar. Duke pasur parasysh shqetësimet që na vijnë për çdo ditë në selinë qendrore të OVL UÇK-së, konsiderojmë se komisioni mjekësor i formuar nga Qeveria më shumë është duke i injoruar por edhe duke i përbuzur në mënyrë jo të dinjitetshme veteranët-invalidë, sesa është duke ua përcaktuar shkallën që e meritojnë. Ne do të takohemi me zyrtarë të Qeverisë së Kosovës për ta diskutuar këtë shqetësim, sepse është e patolerueshme që mostrajtimi njerëzor i tyre të vazhdojë edhe më tutje.
