Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Situata në Kuvendin e Kosovës ka filluar të acarohet në kohën kur po diskutohej për vdekjen e Astrit Deharit në Burgun e Prizrenit. Fjalimi i ministres, Dhurata Hoxha ka nxitur reagim të deputetëve të VV-së, por edhe të atyre që ditë më parë dolën nga kjo parti. Situata shkoi deri aty sa gati pati përleshje fizike mes deputetëve të Vetëvendosjes e PDK-së. Sikurse ministrja Hoxha edhe kreu i Kuvendit, Kadri Veseli tha se Vetëvendosje e Albin Kurti e dërguan Astrit Deharin në Vetëvrasje. Ndërsa Kurti e quajti tradhtar Veselin. Pas saj doli në foltore kryeministri duke u munduar ta qetësojë situatën. Por, sapo doli sërish ministrja Hoxha deputetët e Vetëvendosjes nisën protestën duke goditur tavolinat me duar. Me herët gjatë ditës lideri Albin Kurti ka kërkuar shkarkimin e gjithë atyre që siç thonë kishin dorë në vdekjen e Deharit. E pikërisht kjo çështje ka përplasur në Kuvend deputetët e Vetëvendosjes dhe Grupit të Pavarur me pushtetin.
