Mesazh urimi i kryetarit të Komunës së Klinës, Zenun Elezaj me rastin e Festës së Pashkëve

02/04/2018 Institucionet

Kryetari i Komunës së Klinës, Zenun Elezaj, ka uruar të gjithë besimtarët shqiptarë katolikë, por edhe misionin diplomatik dhe ushtarak, me rastin e Festës së Pashkëve. Në mesazhin e urimit thuhet: “Uroj që kjo festë, të na gjejë unikë, të sjellë bekim e begati në çdo familje. Urime të përzemërta me rastin e festës së Pashkëve të gjithë shqiptarëve të besimit katolikë. Këto Pashkë le të ringjallin zemërgjerësinë, tolerancën, respektin dhe dashurinë në mes njëri-tjetrit; virtyte të cilat shqiptarët i kultivuan ndër shekuj. Kjo ditë e triumfit të së mirës mbi të keqen, e jetës mbi vdekjen, na kujton se nuk është thjesht një simbolikë, por në fakt, duhet të jetë qëllimi i gjithsecilit prej nesh. Jeta jonë është e gjitha një përpjekje për t’ia arritur qëllimit dhe me besimin në Zot, gjithçka është e mundur. Besimi është çelësi! Uroj nga zemra besimtarët katolikë kudo që ata ndodhen: Gëzuar Pashkët! Paqja dhe harmonia mbizotëroftë gjithmonë në familjet tuaja! Le të na sjellin më shumë mirësi dhe begati. Në këtë ditë të shenjtë të Pashkëve ju uroj secilit prej jush dashuri, lumturi, paqe, miqësi, mbarësi dhe gjithë të mirat e jetës për Ju dhe familjet tuaja”, thuhet në urimin e kryetarit Elezaj.

Kontrolloni gjithashtu

Kryetari Bashkim Ramosaj takon banorët e fshatrave Lloqan dhe Hulaj

Kryetari i komunës së Deçanit, z. Bashkim Ramosaj, i shoqëruar nga bashkëpunëtorët e tij ka …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara