Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Dhomat e Specializuara të Gjykatës Speciale kanë publikuar listën e plotë me emrat e avokatëve. Regjistrimi në Lista bën që këta avokatë të kenë mundësinë të zgjidhen për t’u paraqitur para DHSK-së për të përfaqësuar të dyshuar, të akuzuar, një grup viktimash, apo çdo person tjetër që ka të drejtën e përfaqësimit ligjor në bazë të Ligjit për krijimin e Dhomave dhe të Direktivës për Mbrojtësit. Listat e publikuara përmbajnë emrat e 87 profesionistëve të fushës së drejtësisë nga Kosova, Serbia, dhe një numër vendesh të tjera. Mbrojtësit mund të zgjedhin nëse duan që emrat e tyre të përmenden në faqen e internetit të DHSK-së. Ky është radha e dytë e njoftimeve, pas Listave të shpallura më 14 mars 2017. Kryetarja e gjykatës, bullgarja Ekaterina Trendafilova, ka uruar të gjithë kandidatët duke përkujtuar për kriteret e rrepta për pranim në këto lista.
