Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shtatori do të jetë muaji kur qytetarët e komunës së Fushë Kosovës do të kenë furnizim 24 orësh me ujë të pijes. Kështu bëri të ditur Ministri i Zhvillimit Ekonomik, Valdrin Lluka gjatë vizitës që bëri në këtë komunë. Kreu i MZhE-së, tha se është e çuditshme se si për një kosto simbolike Fushë Kosova ka mbetur pa ujë. Ai tha se është çështje javësh marrja e vendimit për financimin e këtij projekti dhe pas kësaj sipas Llukës mbetet çështja e tenderimit. Ndërsa kryetari i komunës së Fushë Kosovës, Burim Berisha falënderoj ministrin për angazhimin duke premtuar se së bashku do të punojnë në zgjidhjen e këtij problemi. Sipas drejtorit të KRU “Prishtina”, Ilir Abdullahu, arsyeja e mos furnizimit të Fushë Kosovës me ujë të pijshëm, ka qenë financimi. Problem ky i cili sipas tij, do të zgjidhet shumë shpejtë. Ai bëri të ditur se i gjithë projekti do të kushtojë 400 mijë euro.
