Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ka ndërruar jetë kryetari i Federatës së Futbollit të Kosovës, Fadil Vokrri. Ai sot ka pësuar një komplikim shëndetësor derisa po merrej me fitnes dhe ndonëse janë bërë përpjekje për t’ia dhënë ndihmën e parë dhe e kanë nisur për në Qendrën Klinike Universitare të Kosovës. Zëdhënësja e kësaj qendre, Mirlinda Qyqalla ka thënë se tanimë i ndjeri, Fadil Vokrri në QKUK ka ardhur pa shenja jete dhe përkundër të gjitha përpjekjeve tona, nuk kemi arritur ta kthejmë në jetë. Fadil Vokrri ishte yll i futbollit të Kosovës dhe më gjerë në vitet e ’80 të shekullit që lamë pas. Ai ishte në krye të Federatës së Futbollit të Kosovës që nga viti 2008. Familja e tij është ngushëlluar nga autoritetet më të larta të vendit, kryetari, Hashim Thaçi dhe kryeministri, Ramush Haradinaj.
