Besnik Tahiri: Albin Kurti po i bën favor Aleksandër Vuçiqit

AAK-ja ka konstatuar se Qeveria e udhëhequr nga Albin Kurti po krijon tema që janë në dëm të qytetarëve të Kosovës

Aleanca për Ardhmërinë e Kosovës ka konstatuar se Qeveria e udhëhequr nga kryeministri, Albin Kurti po krijon tema që janë në dëm të qytetarëve të Kosovës. Shefi i deputetëve të këtij subjekti politik, Besnik Tahiri, ka theksuar se çështja e dinarit nuk është dashur të diskutohet fare në Bruksel, pasi Kosova që nga viti 2002 operon me valutën euro. Ai ka shtuar më tutje se Qeveria po krijon tema që e pengojnë përparimin e Kosovës. “Çështja e dinarit është vendim i brendshëm i Kosovës. Valuta euro është valutë tash e 22 vite dhe nuk duhet të diskutohet as në Bruksel e askund tjetër. Problemi qëndron se kjo qeveri do të thotë i nxjerr disa tema pa kurrfarë nevoja që pastaj kthehen në tema që e pengojnë ecjen e Kosovës përpara dhe në veçanti e pengojnë Kosovën në rrugëtimin e vet në formësimin dhe forcimin e subjektivitetit të vet ndërkombëtar” ka theksuar deputeti, Besnik Tahiri.

Kontrolloni gjithashtu

Ejup Maqedonci: Serbia me qasjen e saj hegjemoniste dhe agresive karshi Kosovës do të bëjë që tensionet të vazhdojnë

Ministri i Mbrojtjes së Kosovës, Ejup Maqedonci, dje pas bllokimit në kufi me Serbinë të …