Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komisioni Qendror i Zgjedhjeve ka bërë të ditur se sonte në mesnatë përfundon afati zyrtar për partitë politike që të njoftojnë pjesëmarrjen ose mospjesëmarrjen në zgjedhjet e ardhshme, si dhe deklarimin e koalicioneve parazgjedhore. Sipas zëdhënësit të Komisioni Qendror i Zgjedhjeve, Valmir Elezi, deri në mesditën e së enjtes, 20 parti politike kanë konfirmuar pjesëmarrjen në zgjedhje, pesë kanë njoftuar mospjesëmarrjen, ndërsa është regjistruar edhe një koalicion i përbërë nga dy parti politike. “Sot, më 7 maj, në orën 24:00, përfundon afati për partitë politike të regjistruara në Kosovë për ta njoftuar KQZ-në për pjesëmarrje ose mospjesëmarrje në zgjedhje dhe formim të koalicioneve”, deklaroi Elezi. Ai sqaroi se ky obligim vlen për të gjitha 53 partitë politike të regjistruara aktualisht në Republikën e Kosovës. Afati i fundit pritet të sjellë zhvillime të rëndësishme politike, sidomos sa i përket koalicioneve të mundshme dhe pozicionimit të partive kryesore në prag të fushatës zgjedhore.
