Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Një vendim i ish-ministrit të Punëve të Brendshme, Agim Veliu, ka qenë pjesë e rëndësishme e bisedimeve në Bruksel mes kryeministrit të Kosovës, Albin Kurti dhe kryetarit serb, Aleksandar Vuçiq. Atë dokument, Vuçiqi e mori me vete në një konferencë për media dhe ua shfaqi gazetarëve duke treguar se e kishte kërkuar shfuqizimin e tij në takimin me kryeministrin e Kosovës, Albin Kurti, në Bruksel, por ai e kishte refuzuar. Agim Veliu e kishte publikuar këtë vendim në shtator të vitit të kaluar, kur Qeveria kishte marrë vendim për vendosjen e reciprocitetit me Serbinë për çështjen e targave. “Vendimi i Ministrisë për vendosje të reciprocitetit ndaj Serbisë sa i përket targave të automjeteve është zbatim i vendimit, të cilin në cilësinë e Ministrit të Punëve të Brendshme e kam nënshkruar më 17 shtator 2020, për shfuqizimin e Udhëzimit Administrativ Nr.02/2018 për Regjistrimin e Automjeteve me Targa KS”, kishte shkruar Veliu, duke e konsideruar atë si lajm të mirë.
