Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Drejtori i AKI-së, Shpend Maxhuni, është pyetur nga Komisioni Parlamentar lidhur me serbin, Bratislav Nikoliq i cili vite me radhë ishte pjesë e institucioneve të Kosovës. Ai ka deklaruar që Inteligjenca tani është duke u marrë me verifikimin se ka apo nuk ka lidhje Nikoliq me shërbimet e sigurimit në Serbi. AKI nuk ka pasur asnjë kërkesë zyrtare që të verifikojë Bratislav Nikoliqin, si agjent i infiltruar i Serbisë, tha ai. Kryetari i Komisionit, Faton Topalli tha se deri tani nuk ka ndonjë rezultat përfundimtar se cila është veprimtaria e ish-këshilltarit serb të presidentit Thaçi. Sipas tij, krejt çka dihet deri tani është që ka pasur njohje mes Thaçit dhe Nikoliq, meqë ky i fundit në vitin 2012 ishte emëruar në bord të PTK-së, dhe nga viti 2016 ka marrë rrogë nga presidenca. Pas mbledhjes është deklaruar edhe Arbër Rexhaj, nga radhët e Lëvizjes Vetëvendosje i cili tha se raportimi i shefit të AKI-së ishte sipërfaqësor dhe politik.
