Aktivitete shumë të veçanta, do të mbahen në Ferizaj në kuadër të Ditëve të Mërgatës

25/07/2022 Institucionet

Edhe Komuna e Ferizajt, ka bërë të gjitha përgatitjet e duhura për Ditët e Mërgatës. Aktivitete për shënimin e këtyre ditëve do të fillojnë nga dita e nesërme, ndërkaq do të vazhdojnë deri me 11 gusht. Sipas drejtores së Drejtorisë së Kulturës, Rinisë dhe Sportit Xhemile Murati-Shabani, aktivitete për shënimin e këtyre ditëve edhe kësaj radhe do të fillojnë me aktivitete për fëmijë që do të mbahet në sheshin e qytetit në Ferizaj.

Ajo ka thënë se nga data 26 korrik deri me 11 gusht do të ketë aktivitete kulturore siç janë koncerte të ndryshme, por sipas saj e veçanta e këtyre ditëve është festivali ndërkombëtare i valleve “New Born”, ku do të ketë grup vallesh nga shumë vende të ndryshme të botës. Me koncert do të paraqitet edhe Ansambli i Këngëve dhe Valleve “Kastriotët”, si dhe do të jetë edhe  një koncert i Mentor Hazirit.

“Aktivitete do të vazhdojnë edhe me koloni artistike për mërgimtaret, do të ketë ekspozite me eksponante muzeale si dhe  ekspozitë me fotografi”, ka thënë drejtorja Murati-Shabani, përderisa ka shtuar se në Ferizaj nga data 4 deri me 6 gusht do të mbahet edhe Panairi i Librit i organizuar nga Klubi Letrar “De Rada”, poashtu do të shënohet edhe Dita Tradicionale “Bjeshkët e Jezercit.

Në kuadër të Ditëve të Mërgatës, është parapare që të mbahet edhe turnir me boks profesional me tituj botëror, ku prezantimi i garuesve do të mbahet në sheshin e qytetit me datën 27 korrik, ndërkaq turniri do të mbahet të premten me datën 29 korrik duke filluar nga ora 20:00 në Palestrën  e Sporteve “Bill Klinton”.

“Do të ketë po ashtu edhe turnir ne futboll të vogël, turnir ne volejboll, hiking në bjeshkët e Jezercit, lojëra elementare në ujë,  si dhe aktivitete me biçikleta”, tha drejtorja Xhemile Murati-Shabani.

Aktivitete për shënimin e Ditëve të Mërgatës, do të mbahen nën përkujdesjen e Kryetarit të Komunës së Ferizajt Agim Aliu.

Kontrolloni gjithashtu

1 maj 1990 – Kuvendi i Pajtimit te “Verrat e Llukës”

34 vite më parë, me 1 maj 1990 u mbajt Kuvendi Gjithëkombëtar i Pajtimit të …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara