Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Kosovës, Albin Kurti është deklaruar pas takimit me përfaqësuesin e BE-së për dialogun Kosovë-Serbi, Miroslav Lajçak. Ai ka shkruar se BE-ja duhet ta mbajë përgjegjëse Serbinë për shkeljet e vazhdueshme të Marrëveshjes së arritur, në Bruksel. Kryeministri ka theksuar gjithashtu se Lajçakut ia ka bërë të ditur se marrëveshja duhet të zbatohet në tërësi. “E mirëprita sot në zyrat e qeverisë, përfaqësuesin Special të BE-së Miroslav Lajçak. Theksova nevojën që Marrëveshja Themelore të zbatohet në tërësi dhe nevojën që BE-ja ta mbajë Serbinë përgjegjëse për shkeljet e vazhdueshme të asaj Marrëveshjeje”, ka shkruar me rastin e takimit, kryeministri, Kurti. Ndërkohë emisari Lajçak tha se zhvilloi “diskutim të rëndësishëm” me kryeministrin e Kosovës, Albin Kurti. Duke folur para gazetarëve pas takimit, emisari evropian tha se qëllimi i takimit ishte të krijohet një kuptim i qartë se si do të veprohet tani e tutje.
