Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Vetëvendosjes, Albin Kurti, që doli fitues nga zgjedhjet e 6 tetorit ka dhënë një intervistë për “The Guardian” ku ka kritikuar vendimet e BE-së për të ndalur zgjerimin e mëtejshëm të Ballkanit, duke thënë se udhëheqësit e perëndimit kishin harruar mësimet e dy luftërave botërore dhe në vend të kësaj po tërhiqen para fashizmit dhe populizmit. “Albin Kurti tha se qëndrimi mund të dëmtojë shanset e Kosovës për të arritur një marrëveshje me Serbinë, e cila ka refuzuar ta njohë atë si të pavarur që nga fundi i luftës 1998-99, pasi Beogradi ka më pak shanse për të vepruar pa perspektivën e anëtarësimit në BE”, shkruan gazeta “The Guardian”. “Franca shkaktoi shqetësim në rajon në një samit të BE javën e kaluar duke bllokuar Maqedoninë Veriore dhe Shqipërinë për të filluar bisedimet e pranimit, duke shkatërruar kështu shanset e Serbisë për t’u anëtarësuar në BE në të ardhmen e parashikueshme. Presidenti francez Emmanuel Macron këmbënguli se Evropa duhet të përqendrohet në reformat e saj të brendshme”. “BE u formua si një përgjigje ndaj fashizmit, por tani po frikësohet përballë populistëve dhe fashizmit”, ka thënë Kurti për “The Guardian”.
