Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Kosovës, Albin Kurti, ka refuzuar të japë sqarime të reja lidhur me deklaratën e ministrit për Komunitete dhe Kthim, Nenad Rashiq, i cili pretendoi se transferimi i 24 hektarëve tokë për Manastiri i Deçanit u bë falë këmbënguljes së tij.I pyetur nga gazetarët për këtë deklaratë, Kurti u përgjigj shkurt, duke thënë se çështja tashmë është sqaruar nga zëdhënësi i Qeverisë, Arlind Manxhuka, si dhe nga vetë ministri Rashiq. “Ka folur tashmë zëdhënësi ynë, Arlindi, e po ashtu e ka sqaruar edhe ministri”, deklaroi Kurti, pa hyrë në detaje të tjera. Çështja lidhet me vendimin e vitit 2024, kur Qeveria e Kosovës kërkoi nga Agjencia Kadastrale transferimin e 24 hektarëve tokë në pronësi të Manastirit të Deçanit. Në atë kohë, Kurti e kishte arsyetuar vendimin duke thënë se zbatimi i këtij vendimi gjyqësor do të ishte vendimtar për rrugën e Kosovës drejt anëtarësimit në Këshilli i Evropës, megjithëse aplikimi përfundimisht nuk u realizua. Në një intervistë për mediumin lokal serb Radio Gorazhdevci, Rashiq deklaroi se vendimi erdhi pas këmbënguljes së tij të vazhdueshme ndaj kryeministrit. Sipas tij, Kurti e kishte thirrur para një mbledhjeje të Qeverisë dhe i kishte thënë: “Kam menduar shumë për këtë. Do ta bëjmë, por ta dish – për shkakun tënd”. Rashiq theksoi se, ndonëse vendimi ishte një obligim i vjetër gjyqësor që qeveritë e mëparshme nuk e kishin zbatuar, fakti që u realizua në atë moment ka një peshë të veçantë politike dhe simbolike.
