Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Politologu, Alexander Rhotert ka deklaruar se Richard Grenell ka qenë emisar i Donald Trump për Ballkanin, dhëndri i tij Xhared Kushner kujdeset prej kohësh për bizneset e Trumpit në rajon, dhe ish-guvernatori Rod Blagojeviç përflitet si ambasador i Amerikës në Serbi Kjo është treshja e fortë e presidentit amerikan për rajonin sipas politologu. Grenell ka marrëdhënie të ngushta, thuajse miqësore, me presidentin serb, Aleksandar Vuçiç dhe ministrin e tij të jashtëm Marko Gjuriç, i cili ka qenë më parë ambasador i Serbisë në Uashington. Grenell mori një medalje nga Vuçiçi në vitin 2023 për “qasjen e tij të ekuilibruar” ndaj shtetit më të ri të Evropës, Republikës së Kosovës, të cilin Serbia edhe 26 vjet pas përfundimit të luftës në Kosovë e pretendon të sajin, kujton analisti. N mars të vitit 2024-tës mes qeverisë serbe, dhëndrit të Trumpit, Kushner dhe investitorëve arabë u arrit marrëveshja Trump-Tower në Beograd, që kushton gjysmë miliardë dollarë. Ndërkohë, në javën e kaluar, u bë e ditur se Donalds Trump po merr në konsideratë emërimin e ish-guvernatorit demokrat të Illinois si ambasador, në Beograd. Blagojevich, u hoq nga detyra në vitin 2009 dhe tre vjet më vonë u dënua me 14 vjet burg për korrupsion.
