Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lideri i Bashkimit Demokratik për Integrim, Ali Ahmeti ka përkrahur fuqishëm proetestëne sotme e cila do të nis në ora 13.00 në Strasburg. Ai ka shkruar se me tërë qenien e tij është në përkrahje të saj dhe drejtuesve të Ushtrisë Çlirimtare të Kosovës që gjykohen e po mbahen padrejtësisht në Hagë. “Sot me mendje e me zemër jam pranë bashkëkombasve që do të protestojnë në Strasburg, aty ku filloi padrejtësia e madhe ndaj UÇK-së dhe popullit shqiptar, para Asamblesë Parlamentare të Këshillit të Europës. Kjo gjykatë nuk po gjykon mbi atë për të cilën u themelua, por po gjykon mbi shpifjet e Serbisë të sajuara nga Rusia. Hashimi, Kadriu, Rexhepi, Jakupi dhe të tjerët janë aleatë të Amerikës dhe BE dhe vendin e kanë në Kosovë. Pafajësia e tyre u konfirmua nga miqtë tanë amerikan e europian në Hagë, prandaj, lironi djemtë tanë! Padrejtësia duhet të merr fund menjëherë, i gjithë populli shqiptar është në këmbë për drejtësi për shenjtërinë e luftës sonë çlirimtare” ka shkruar lideri i Bashkimit Demokratik për Integrim Ali Ahmeti.
