Altin Krasniqi: PDK si trashëgimi e mendimit politik dhe energjisë intelektuale, Përparim Gruda si garanci e vazhdimësisë

Partia Demokratike e Kosovës është dëshmuar ndër vite si një forcë politike që ka ndërtuar identitetin e saj mbi përfaqësimin e intelektualëve, profesionistëve dhe njerëzve me energji vepruese. Në momente kyçe për shtetin, PDK ka ofruar figura me formim akademik, përvojë institucionale dhe vizion politik, duke u shndërruar në një shtyllë të rëndësishme të skenës politike kosovare, ka shkruar kandidati per deputet nga PDK Altin Krasniqi. Sips tij ne këtë frymë, profesori Përparim Gruda shihet si garanci e vazhdimësisë së kësaj trashëgimie. Me formim të lartë akademik, profil të qartë intelektual dhe angazhim publik të matur, Gruda përfaqëson modelin e politikanit që e ndërthur dijen me përgjegjësinë shtetërore. Ai vlerësohet si zë i arsyes, argumentit dhe vizionit afatgjatë, në një kohë kur politika kosovare ka nevojë më shumë se kurrë për qartësi dhe seriozitet. Mbështetësit e PDK-së e shohin profesor Grudën si figurë që jo vetëm ruan identitetin intelektual të partisë, por edhe e forcon atë me energji të re dhe qasje moderne ndaj sfidave politike. Angazhimi i tij konsiderohet sinjal se PDK synon të ndërtojë të ardhmen mbi kompetencë, profesionalizëm dhe përfaqësim dinjitoz.