Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadorët e Mbretërisë së Bashkuar dhe Gjermanisë në Prishtinë kanë reaguar pas dështimit të dytë radhazi për konstituimin e Kuvendit të Kosovës. Ata u kanë bërë thirrje partive politike që të bashkëpunojnë për të kapërcyer bllokadën institucionale dhe për të formuar sa më parë institucionet e reja. Ambasadori britanik Jonathan Hargreaves tha se qytetarët kanë të drejtë të presin që liderët të veprojnë në interes të vendit. Ndërkaq, ambasadori gjerman Jorn Rohde theksoi se konstituimi i Kuvendit është bllokuar për shkak të taktikave penguese. PDK, LDK dhe AAK po këmbëngulin që anëtarët e Qeverisë në detyrë, të zgjedhur deputetë, të japin dorëheqje. Në të kundërtën, ata nuk do të votojnë verifikimin e mandateve. Kryeministri në detyrë, Albin Kurti, e cilëson të panevojshme një dorëheqje të tillë, pasi Qeveria është tashmë në detyrë. Dështimi i seancës është cilësuar nga opozita si përpjekje për të blerë kohë për pazare politike. Nuk është e qartë nëse do të arrihet ndonjë marrëveshje para seancës së radhës më 19 prill. Situata vazhdon të jetë e tensionuar dhe me ndikim të drejtpërdrejtë në funksionimin demokratik të vendit.
