Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pronarët e bizneseve të ndryshme e sidomos të restoranteve dhe hoteleve kanë thënë se ardhja e mërgimtarëve, ndikim të jashtëzakonshëm në ekonominë e Kosovës. Kryetari i Odës së Hotelerisë dhe Turizmit të Kosovës, Hysen Sogojeva, ka thënë se ardhja e mërgimtarëve është një infuzion i madh, prandaj ata janë shumë të mirëseardhur. Kemi informacione që gjithçka është duke shkuar mirë, edhe ahengjet. Në bazë të asaj që ka shumë interesime po na shkruajnë, e po na thirrin, edhe interesimi është shumë i madh. Ai ka thënë se edhe Qeveria e Kosovës duhet sa më parë t’i ndaj mjetet e zotuara në mënyrë që bizneset të rimëkëmben sa më parë. Edhe njohësit e ekonomisë kanë thënë se shtimi i madh këtë vit i fluksit të mërgimtarëve pritet të ketë ndikime të shumanshme në ekonominë e Kosovës kur dihet se shuma e mjeteve që mërgimtarët i sjellin në Kosovë është rreth dy miliardë euro.
