Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Partisë Demokratike të Kosovës, Artan Behrami, ka komentuar prezencën e presidentes Vjosa Osmani në Bordin e Paqes, ku ajo merr pjesë së bashku me presidentin amerikan Donald Trump, duke e vlerësuar këtë si një hap pozitiv në drejtim të forcimit të marrëdhënieve me Shtetet e Bashkuara të Amerikës. Behrami ka theksuar se PDK-ja mbështet këdo që vepron në funksion të afrimit të Kosovës me SHBA-të, pavarësisht përkatësisë politike, duke e parë këtë rol në kuadër të përfaqësimit të interesave shtetërore të Kosovës. “Ne e shohim këtë në rolin e përfaqësimit të shtetit dhe interesave të Kosovës, dhe këdo e kudo që e shohim me përafrim me SHBA-të, e ka dhe do ta ketë mbështetjen e PDK-së”, ka deklaruar Behrami. Ai ka shtuar se marrëdhëniet ndërmjet Kosovës dhe SHBA-ve kanë qenë të përkeqësuara dhe delikate gjatë pesë viteve të fundit, duke nënvizuar nevojën për një rishikim serioz të kësaj dinamike.“Në 5 vitet e fundit marrëdhëniet e Kosovës me SHBA-të kanë qenë shumë të përkeqësuara e delikate, dhe mendoj se ka ardhur koha e një rishikimi të këtyre marrëdhënieve që të kemi një dinamikë më të madhe”, ka thënë ai.