Fillimi / Opinione / Arton Hoti: Nëse Albin Kurti nuk e shkarkon Donika Gërvallën, do të dalim në rrugë për të protestuar
Donika Gervalla

Arton Hoti: Nëse Albin Kurti nuk e shkarkon Donika Gërvallën, do të dalim në rrugë për të protestuar

Invalidët e  veteranë të shumtë të luftës së UÇK-së,  kërkojnë shkarkimin e ministres së Punëve të Jashtme dhe Diasporës Donika Gërvalla pas riaktualizimit të disa deklaratave të Ministres për disa nga ish-krerët e Ushtrisë Çlirimtare të Kosovës, Arton Hoti, invalid i UÇK-së nga fshati Burojë, thotë se janë në koordinim me shoqatat e dala nga lufta që në rast se kryeministri Albin Kurti nuk e shkarkon Donika Gërvallën nga MPJD do të dalin në rrugë për të protestuar deri në përmbushjen e kërkesës së tyre.

 

Arton Hoti thotë se është në koordinim me shoqatat e dala nga lufta, dhe po presim një takim eventual me kryeministrin dhe kryetarin e Shoqatave të dala nga lufta dhe po presim. Nëse kryeministri nuk e shkarkon Donika Gërvallën nga detyra e zëvendëskryeministres dhe ministres së Punëve të Jashtme, ne do të bëjmë protesta… Unë nuk jam as në politikë e as në ndonjë shoqatë. Mirëpo na ka dëmtua, na ka lëndua shumë Donika me pretendimet që gjoja krerët e UÇK-së janë kriminelë. Nuk ka thënë vetëm për Hashim Thaçin dhe Kadri Veselin, por ka thënë edhe për Ramush Haradinajn, Daut Haradinajn dhe për të gjithë krerët që ishin celula e UÇK-së.. E lus kryeministrin e Kosovës ta shkarkojë sa më parë. Vendit nuk i duhet një ministre që shpifë për luftën e UÇK-së.

Ai komenton edhe deklaratat e kryeministrit Kurti, se Donika Gërvalla e mbron dhe e afirmon luftën çlirimtare dhe UÇK-në.

“E pash një deklaratë ku kryeministri e përkrahi për shkak se ka pasur sukses në një takim ku ta di unë ku e ka mbajtur ajo në Këshillin e Bashkësisë Evropiane. Ne e pamë atë takim, nuk tregoi asnjë sukses. Homologu i saj serb disa herë e quajti UÇK-në kriminale, ndërsa ajo nuk e foli asnjë fjalë të vetme. E ulte kokën dhe nuk fliste. Pak ditë pasi e dha atë version ministri serb, kjo vet doli dhe tha që ‘Hashim Thaçi dhe Kadri Veseli janë koka e krimit në Kosovë’”, thotë Hoti.

Ai flet edhe për ndikimin e pandemisë tek invalidët dhe veteranët e luftës. Mospërfshirja e tyre në pakon emergjente sipas Hotit, ka bërë që kjo kategori të përballet me vështirësi të shumta.

“I them kryeministrit aktual Albin Kurtit, nëse t’i e përkrahë UÇK-në, çfarë ndihme iu dhe gjatë pandemisë, sa invalidë që po vdesin çdo ditë nga COVID-i i vaksinuat. Në cilën pako emergjente i futët invalidët dhe veteranët e luftës. Në pandemi, në ora 11 të natës më ka thirr një invalid i luftës dhe më tha ‘a ke 150 euro sepse është kah më nxjerrë qiragjiu nga banesa se nuk kam pasur mundësi me e pagua’. Ne e dimë që dhe para këtyre qeverive ne i kemi marrë 170 euro rrogë, mirëpo kemi punua privat. A gjatë pandemisë, na futën në orë policore, na burgosën për së gjalli dhe nuk na dhanë asnjë ndihmë”, thotë ai.

Kontrolloni gjithashtu

heshtjen

RKL: Në ditën e heshtjes zgjedhore, kryeministri Kurti dhe kryetar i Vetëvendosjes, ka vazhduar pa pengueshëm fushatën zgjedhore

Dje në Prizren,  në ditën e heshtjes zgjedhore, kryeministri Kurti dhe kryetar i Lëvizjes Vetëvendosje, ...