leoni

Asfaltohen rrugët e fshatit Komogllavë

08/12/2018 Institucionet

Këtë të shtunë është bërë asfaltimi i rrugëve në fshatin Komogllavë. Nga afër asfaltimin e këtyre rrugëve e ka përcjellur edhe numri një i qytetit të Ferizajt Agim Aliu, i shoqëruar edhe nga drejtori i infrastrukturës, Arbër Bytyqi si dhe bashkëpunëtore të tjerë. Kryetari i Komunës së Ferizajt, Agim Aliu tha se edhe në këtë zonë po investohet me projekte të rëndësishme infrastrukturore për t’i ofruar përfundimisht banorëve të këtij fshati dhe fshatrave përreth infrastrukturën e munguar ndër vite. Edhe drejtori i Drejtorisë së Infrastrukturës, Arbër Bytyqi, tha se banorët e këtij fshati e kanë vuajtur gjatë mungesën e investimeve infrastrukturore. “Jemi në fshatin Komogllavë, ndërsa po bëjmë përfundimin e një projekti i cili është filluar muaj me parë, ku po bëhet asfaltimi i 20 rrugicave në këtë fshat, ndërsa bëhet fjalë për një projekt rreth 400 mijë euro”, është shprehur drejtori Bytyqi, përderisa ka shtuar se sot po përmbyllet pjesa e fundit e asfaltit në këtë fshat. Edhe banorët e këtij lokaliteti e kanë mirëpritur asfaltimin e rrugëve të tyre. U bë e ditur se asfaltimi i rrugëve në fshatin Komogllavë është projekt tre vjeçare.

Kontrolloni gjithashtu

Kryetari Latifi në 25-vjetorin e rënies, ka nderuar kujtimin për luftëtarin e UÇK- së dhe dëshmorin e kombit, Sadri Fazli Krasniqi

Kryetari i komunës së Rahovecit Smajl Latifi, bashku me familjarë, bashkëpunëtorë e miq, në 25-vjetorin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara