Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjatë tre viteve të fundit, komunave të Kosovës u janë marrë mbi 210 milionë euro si pasojë e vendimeve gjyqësore që lidhen me zbatimin e kontratave kolektive. Bllokimi i gjirollogarive përmes përmbaruesve po konsiderohet i padrejtë, pasi sipas përfaqësuesve komunalë po pamundëson realizimin e projekteve dhe investimeve kapitale. Drejtori ekzekutiv i Asociacionit të Komunave të Kosovës, Sazan Ibrahimi, ka theksuar se në të kaluarën komunat konsultoheshin për mënyrën e ekzekutimit të mjeteve, por kohëve të fundit ato po tërhiqen automatikisht, duke shkaktuar pasoja financiare zinxhirore. Ai ka shtuar se mungon gatishmëria e nivelit qendror për të bashkëpunuar me komunat dhe për të gjetur një zgjidhje të përbashkët. Për këtë arsye, komunat i kanë kërkuar Qeverisë që të ndërhyjë dhe të garantojë funksionimin normal të tyre, në mënyrë që qytetarët të mos privohen nga shërbimet dhe investimet publike.
