Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata Supreme e Kosovës do të shqyrtojë padinë e ushtruar nga Oda Ekonomike e Kosovës ndaj Zyrës së Rregullatorit për Energji, lidhur me vendimin për daljen e detyrueshme në tregun e lirë të energjisë. Nga Oda Ekonomike kanë bërë të ditur se tashmë është caktuar kolegji i gjyqtarëve që do ta trajtojë këtë rast. Megjithëse kërkesa për vendosjen e masës së përkohshme për pezullimin e vendimit të ZRrE-së nuk është aprovuar, çështja do të shqyrtohet në themel për të gjitha aktet nënligjore të miratuara nga kjo zyrë. Sipas Odës, vendimi pritet të merret brenda 60 ditëve nga dita e parashtrimit të padisë, siç e parasheh ligji, ndërsa pritjet e tyre janë që gjykata të anulojë aktet nënligjore të ZRrE-së me të cilat janë përcaktuar kriteret për daljen në tregun e lirë. Oda Ekonomike ka theksuar se, pavarësisht mosaprovimit të masës së përkohshme të sigurisë, fakti që lënda do të trajtohet në themel konsiderohet një hap i rëndësishëm. Ajo ka shprehur besimin se vendimi final i Gjykatës Supreme do të jetë në favor të bizneseve, ekonomisë dhe qytetarëve të Kosovës.
