Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Autoritetet më të larta të vendit kanë uruar besimtarët mysliman për festën e Kurban Bajramit. “Kjo festë bashkon njerëzit, ndaj në këtë ditë hapen jo vetëm dyert, por edhe zemrat për ta shpërfaqur traditën tonë, si dhe shpirtin solidar për të ndarë diçka nga vetja për ata që kanë nevojë” ka uruar mes tjerash, kryetarja, Vjosa Osmani. Në urimin drejtuar qytetarëve, kryeministrit, Albin Kurti ka shkruar mes tjerash se kjo festë është edhe kujtesë për vlerat e sakrificës dhe devotshmërisë. “Me zemra të hapura dhe duar të zgjatura njëri-tjetrit, në këtë Kurban Bajram, le të ndajmë gëzimin me të gjithë ata që na rrethojnë. Le të jemi zemërgjerë, jo vetëm me të mirat materiale, por edhe me kohën, dashurinë dhe mbështetjen tone”. Me rastin e festës së Kurban Bajramit, besimtarët mysliman i ka uruar edhe ministri I Mbrojtjes, Ejup Maqedonci. “Mësimi më i rëndësishëm i kësaj feste është solidariteti me tjetrin si udhërrëfyesi i përhershëm për jetë në paqe. Me synim tjetrin e jo veten, në këtë ditë rikujtojmë mësimet hyjnore për t’u treguar bujarë e zemërgjerë, sidomos me skamnorët, jetimët, të dobëtit dhe të vetmuarit” thuhet në mes tjerash në urimin e ministrit të Mbrojtjes, Ejup Maqedonci. Për festën e Kurban Bajramit, qytetarët janë uruar edhe nga autoritete tjera qendrore e lokale, nga sferat e ndryshme të shoqërisë.
