Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Anëtari i LDK- së, Avdullah Hoti, ka reaguar përmes një shkrimi publik pasi mungoi në mbledhjen e sotme të Këshillit të Përgjithshëm të LDK-së, duke theksuar se partia mbetet mbi çdo individ dhe se askush nuk mund të jetë më i madh se vetë LDK-ja. Hoti falënderoi Degën e LDK-së në Rahovec për besimin e dhënë për kandidim si deputet, duke e cilësuar këtë si përgjegjësi për të vazhduar angazhimin politik me “dinjitet, përkushtim dhe besnikëri ndaj frymës rugoviane”. “LDK ka qenë dhe do të mbetet më e madhe se secili individ. Emrat vijnë e shkojnë, por LDK mbetet shtëpia politike e brezave që besojnë në demokraci, shtetndërtim dhe orientim perëndimor”, ka shkruar ai. “Sot më shumë se kurrë kërkohet mobilizim i plotë për ta ndalur degradimin institucional dhe mendësinë autoritare që po tentohet t’i imponohet Republikës sonë. Kosova nuk ka nevojë për pushtet absolut, propagandë dhe mentalitet komunist që e sheh shtetin si pronë partie”, u shpreh Hoti.
