Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministrja e Energjisë dhe Infrastrukturës e Shqipërisë, Belinda Balluku, pas mbledhjes së qeverisë, ka dhënë detaje në lidhje me energjinë e ofruar për Kosovën gjatë dy ditëve të festës së Vitit të Ri. Balluku në fjalën e saj ka bërë me dije se energjia do të merret nga rezervat dhe do t’i jepet Republikës së Kosovës më 31 dhjetor dhe 1 janar si një mënyrë për të mos i lënë qytetarët e Kosovës pa energji gjatë këtyre ditëve festive. “Situata energjetike është në një krizë ndërkombëtare, dhe Shqipëria gjithashtu ndodhet në një moment shumë të vështirë. Ndaj, vendimi që mori kryeministri Rama ka kërkuar paraditen e djeshme që ministria e infrastrukturës dhe e energjisë të analizonte situatën dhe të gjente me çdo kusht një mundësi për të furnizuar Republikën e Kosovës për datat 31 dhjetor dhe 1 janar. I referohemi vetëm këtyre dy datave. Kujtojmë Shqipëria, si të gjitha vendet tjera në botë, përballet me një krizë shumë të thellë energjetike. Ne do të sakrifikojmë, do të heqim nga rezervat tona, për t’ia dërguar Kosovës”, ka thënë ndër të tjera, ministrja Belinda Balluku.
