Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Drejtori i Zhvillimit Ekonomik dhe Turizmit në komunën e Ferizajt, Balton Derguti, ka vizituar gjashtë biznese në pronësi të grave të cilat janë përfituese të granteve nga kjo drejtori. Dërguti ka vizituar personalisht secilën prej këtyre ndërmarrjeve progresive, duke dëshmuar drejtpërdrejt punën e jashtëzakonshme që po bëjnë. Gratë sipërmarrëse kanë shfrytëzuar grantet për të blerë pajisje moderne dhe për të ngritur nivelin e bizneseve të tyre. Kjo nismë transformuese përputhet me vizionin e Kryetarit të Komunës së Ferizajt, Agim Aliu për të nxitur rritjen e numrit të grave në ndërmarrësi. Platforma në vazhdim synon të krijojë një mjedis ku gratë mund të lulëzojnë në botën e biznesit dhe këto grante janë një hap i rëndësishëm drejt këtij qëllimi. Në listën e grave përfituese të grandeve që u vizituan nga drejtori Dërguti janë: Hajrie Neziri, Blenda Qorri, Sabrije Syla, Xheneta Demiri Januzi, Alerta Haliti, dhe Feride Ismajli.
