Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Opinionisti Burim Ramadani ka reaguar ndaj letrës së fundit të Albin Kurtit drejtuar Lumir Abdixhikut, duke e interpretuar si një përpjekje për thellimin e ndarjeve mes partive shqiptare në Kosovë. Ramadani e cilësoi letrën si “fazën e re të përçarjes”, duke thënë se qëllimi i Kurtit nuk është ndërtimi i një shumice stabile, por mbajtja me çdo kusht e pushtetit. “E filloi me Nismën, tani po synon LDK-në – gjithmonë me logjikën përçarëse,” shkruan ai, duke e akuzuar Kurtin për mungesë të një qasjeje shtetformuese dhe për qeverisje me moton “O unë, o askush”. Ai, theksoi se demokracia është e qartë: shumica qeveris dhe ai që nuk ka shumicë, duhet të kalojë në opozitë. Sipas tij, Vetëvendosje tashmë nuk ka mbështetjen e nevojshme për të udhëhequr dhe Albin Kurti duhet ta pranojë realitetin politik. Ai përfundoi me bindjen se “shumica shqiptare – përjashtuar Vetëvendosjen – do të ndërtojë qeverinë, me qëndrueshmëri dhe parime”.
