Burrniku i Ferizajt, destinacioni që po shndërrohet në perlën e turizmit malor

06/07/2026 Institucionet

Me peizazhe mbresëlënëse, ajër të pastër dhe pamje panoramike që shpalosin bukurinë e Ferizajt nga lartësitë e Lubotenit, Burrniku po merr çdo ditë e më shumë vëmendje si një nga destinacionet më atraktive të turizmit malor në Kosovë.

Kryetari i Komunës së Ferizajt, Agim Aliu, vlerësoi se ky lokalitet po përjeton një zhvillim të dukshëm falë investimeve në infrastrukturë, të cilat kanë krijuar kushte më të mira për vizitorët dhe investitorët.

Sipas tij, rrugët e rregulluara, ndërtimi i shtëpive malore dhe potenciali i madh për zhvillimin e bizneseve turistike po e shndërrojnë Burrnikun në një pikë të rëndësishme për rekreacion dhe turizëm gjatë gjithë vitit.

“Burrniku është një perlë e natyrës që e madhështon Lubotenin dhe Ferizajn, një vend ku bukuria natyrore, qetësia dhe mundësitë për zhvillim ekonomik ndërthuren në mënyrë të përkryer,” theksoi Aliu.

Me resurset e tij natyrore dhe investimet e vazhdueshme, Burrniku po konsolidohet si një nga asetet më të çmuara turistike të Ferizajt dhe një destinacion me perspektivë të madhe zhvillimi.

Kontrolloni gjithashtu

Në Rahovec me 10 korrik mbahet Konsultim Publik

Duke u bazuar në Ligjin Nr. 03/L-040, për Vetëqeverisje Lokale, Statutin e Komunës së Rahovecit. …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara