Çerkin Dukolli: 27 Vite me RKL, 27 vite me zërin e lirisë!

Në Berishë, në janarin e acart e të krenarisë të vitit 1999, sot e 26 vite më parë në orët e pasditës jehoj kumbueshëm zëri i luftës çlirimtare përmes valëve të Radio Kosova e Lirë.

RKL dhe Agjencia e Lajmeve “Kosovapress” shpejt u shndërruan zëri i fuqishëm i luftës sonë çlirimtare, duke transmetuar informacione nga fushëbeteja të ndryshme anëkënd zonave të luftës.

Këto dy mediume të luftës me zërin e tyre, përçonin forcë e moral te luftëtarët e lirisë, ngjallnin besim e shpresë te popullata se liria po vjen dhe informonin drejt e në kohë reale opinionin e brendshëm e të huaj me ngjarjet në teren gjatë gjithë kohës.

RKL edhe nga paslufta e deri tani, njëjtë vazhdon të jetë zëri model i krenarisë së epokës së lavdishme të UÇK-së, duke na ofruar programe dhe emisione tematike për dëshmorët e kombit, për betejat dhe luftën e drejtë të UÇK-së.

Urime përvjetori i funksionimit RKL, me shpresën dhe besimin se zëri juaj do jehoj e do shpërndahet tek qytetari sa të ketë jetë.

Gëzuar menaxhmentit, stafit dhe të gjithë dëgjuesve.