Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-i dërguari special i Shteteve të Bashkuara për Kosovën, Christopher Hill, do të jetë një nga dëshmitarët pro Hashim Thaçit në gjyqin në gjykaten speciale në Hagë. Hill, i cili ka luajtur një rol kyç në negociatat për Marrëveshjen e Rambujesë, ishte pjesë e “Grupit të Kontaktit” që synonte gjetjen e një zgjidhjeje paqësore mes Kosovës dhe Serbisë. Kjo është hera e fundit që Hill do të japë dëshmi në mbështetje të Thaçit, i cili akuzohet për pengim të administrimit të drejtësisë dhe veprime të tjera lidhur me krime lufte. Christopher Hill ka një karrierë të gjatë diplomatike, duke shërbyer si ambasador i SHBA-së në Serbi, Irak, Kore, Poloni, Maqedoni dhe Shqipëri, si dhe si ndihmës sekretar i Shtetit për Azinë Lindore dhe Paqësorin. Ai gjithashtu ka drejtuar delegacionin amerikan në bisedimet gjashtë-anëtarëshe për Korenë e Veriut. Gjatë karrierës së tij, Hill ka marrë disa çmime për kontributin në negociatat paqësore, përfshirë çmimin “Robert Fraser” dhe Çmimin e Sekretarit të Shtetit për Shërbim të Shquar.
