Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në fjalën e tij para Këshillit të Sigurimit të OKB-së në Nju Jork, shefi i diplomacisë së Serbisë, Ivica Daçiq, ka thënë se formimi i Ushtrisë së Kosovës është një hap drejt destabilizimit të sigurisë në Kosovë dhe rajon. Ai tha se këtë nuk e lejon as Kushtetuta e Kosovës dhe se e vetmja forcë ushtarake është KFOR-i.“KFOR-i do të mbajë qëndrim neutral. BE dhe NATO shpresoj se do të vazhdojnë të mbajnë qëndrim kundër ushtrisë së Kosovës”. Sipas tij edhe asociacioni i komunave me shumicë serbe duhet të themelohet në bazë të këtyre marrëveshjeve bazike, të bëra në Bruksel, ndërkohë që ka adresuar kritika ndaj Prishtinës zyrtare, ngase sipas tij, nuk është e interesuar për formimin e asociacionit. “Ndryshimet eventuale me miratimin e KS do të ishte shkelje e madhe. Transferimi i kompetencave te Prishtina do të sillte humbjen e statusit neutral që ka mbajtur deri më tash UNMIK-u sa i përket çështjes së Kosovës”, ka vlerësuar Daçiq, në fjalën e tij para Këshillit të Sigurimit të OKB.
