Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Partisë Socialdemokrate, Dardan Molliqaj, ka prezantuar prioritetet kryesore të programit politik me të cilin kjo parti synon të sigurojë përfaqësim në Kuvendin e Kosovës pas zgjedhjeve të 7 qershorit. Sipas tij, demokracia, taksa progresive, arsimi, shëndetësia dhe siguria në vendin e punës janë pesë shtyllat themelore mbi të cilat mbështetet oferta politike e PSD-së. Duke folur për sistemin shëndetësor, Molliqaj ka shprehur kundërshtimin e partisë së tij ndaj modelit të sigurimeve shëndetësore, duke argumentuar se ai mund të krijojë pabarazi në qasjen e qytetarëve në shërbime. “Ne besojmë se ligji për sigurimet shëndetësore do të bëhet problem. Sa më private të jetë shëndetësia, aq më e shtrenjtë bëhet. Përvoja ndërkombëtare tregon se sistemet më publike ofrojnë shërbime më cilësore dhe më të qasshme”, deklaroi Molliqaj. Ai vlerësoi se zbatimi i modelit aktual të sigurimeve shëndetësore rrezikon të lërë jashtë sistemit një numër të madh qytetarësh që nuk janë të punësuar, duke kufizuar përfitimet e tyre nga shërbimet shëndetësore. Sipas Molliqajt, PSD-ja angazhohet për një sistem shëndetësor publik dhe universal, ku çdo qytetar të ketë qasje të barabartë në kujdes shëndetësor, pavarësisht statusit të punësimit apo gjendjes ekonomike.
