Kryetari i Komisionit për Punë të Brendshme, Siguri dhe Mbikëqyrjen e Forcës së Sigurisë së Kosovës, Daut Haradinaj, pas mbledhjes së këtij komisioni, në të cilën ka qenë i pranishëm edhe ministri i FSK-së, Haki Demolli, ka thënë se kanë diskutuar për gjendjen e sigurisë në Kosovë dhe ka pasur një dakordim që sa më shpejt të formohen Forcat e Armatosura të Kosovës. Në këtë kontekst Haradinaj ka deklaruar se Kosova nuk mund të mbetet peng i Listës Serbe. “Diskutuam situatën e sigurisë në Kosovë, lëvizjet e fundit në vend dhe regjion. Është një dakordancë që sa më shpejt të formohen forcat e mbrojtës. Kapacitete buxhetore dhe njerëzore i kemi dhe duhet të formohen forcat e mbrojtjes”, ka theksuar Haradinaj.
Kontrolloni gjithashtu
Më 29 mars të vitit 1999 forcat serbe, ekzekutuan dhe masakruan 49 shqiptarë në fshatin Beleg të Deçanit
Më 29 mars të vitit 1999 forcat serbe, ekzekutuan dhe masakruan 49 shqiptarë në fshatin …