Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i AAK-së, Daut Haradinaj, ka kërkuar që Shtetet e Bashkuara të Amerikës, të cilat i ka quajtur aleati numër një i Kosovës, të luajnë rol në garantimin e pavarësisë së procesit. Sipas tij, mbështetja dhe vëmendja e partnerëve ndërkombëtarë janë të rëndësishme për të siguruar që vendimi përfundimtar të mos perceptohet si rezultat i presioneve politike, por si një akt i drejtësisë së mirëfilltë. Haradinaj ka folur edhe për marshin e 17 shkurtit në mbështetje të ish-krerëve të UÇK-së, duke e cilësuar atë si një manifestim dinjitoz dhe me mesazh të qartë. Ai ka thënë se protesta ishte e mrekullueshme dhe se shpreson që mesazhi i qytetarëve të ketë arritur te faktorët vendimmarrës. Sipas tij, pjesëmarrja e gjerë në këtë marsh dëshmon ndjeshmërinë e shoqërisë për këtë proces dhe bindjen e shumë qytetarëve se lufta e UÇK-së ka qenë luftë çlirimtare. Procesi në Hagë ndaj ish-krerëve të UÇK-së vazhdon të mbetet një nga temat më të ndjeshme në skenën politike dhe publike në Kosovë, ndërsa deklaratat e fundit të zyrtarëve politikë reflektojnë shqetësimet për pavarësinë e drejtësisë dhe ndikimin e mundshëm të politikës në vendime që pritet të kenë ndikim afatgjatë në diskursin institucional dhe shoqëror në vend.
