Në prani të kryetarit të komunës së Rahovecit, drejtorëve të drejtorive komunale dhe grupit punues, sipas legjislacionit në fuqi, u mbajt dëgjimi i dytë publik në Sallën e Kuvendit Komunal. Takimi i dytë i thirrur me organizatat joqeveritare, bizneset, fermerët dhe grupet e interesit, ishte mjaft interaktiv me pyetje të ndryshme drejtuar ekzekutivit. U diskutua gjithashtu për kërkesa dhe nevoja të llojllojshme sipas kufijve buxhetor. Buxheti komunal për vitin 2025 parashihet të jetë rreth 21.000.000€.