Partitë opozitare pas dështimit të rezolutës opsion tjetër shohin organizimin e protestave por janë të pa koordinuara

Deputetët e Kuvendit të Kosovës kanë pagën më të lartë në rajon, 10 herë më të madhe se paga minimale e qytetarëve

Deputetët e Kuvendit të Kosovës kanë pagën më të lartë në rajon, deri në 2 mijë euro arrin paga e tyre mujore, duke lenë pas deputetet e Malit të Zi, Shqipërisë, Maqedonisë dhe Serbisë. Paga bazë e deputeteve tonë është mbi 1400 euro, por kur kësaj i shtohen edhe përfitimet tjera si mëditjet për pjesëmarrje në seanca, në mbledhje të komisioneve dhe udhëtime jashtë vendit, ajo arrin në rreth 2 mijë euro, që nënkupton së është 10 herë më e lartë së paga minimale. Derisa ata marrin pagën bazë mbi 1400 euro, asnjë prej tyre nuk e iniciojë çështjen e rritjes së pagës në vend. Ndërsa iniciativat dhe synimet për rritje eventuale të pagave dhe mëditjeve për të zgjedhurit e popullit, janë të pa pranueshme për njohësit e rrethanave ekonomike në vend. Kryetari i Odës Ekonomike të Kosovës, Safet Gërxhaliu, tha se është i pa pranueshëm çdo vendim apo iniciativë për rritje të pagave për deputetët.“Një vendim i tillë e dëshmon edhe njëherë faktin që Kosova është shndërruar në një hapësirë eksperimentale. Ajo çka është më shqetësuese, është fakti që një eksperiment i tillë vjen nga instanca më e lartë shtetërore që është Parlamenti i Kosovës. Në këtë kohë kur Kosova ballafaqohet me krizë sociale, ballafaqohet me krizë të papunësisë, ballafaqohet me një tentim për t’u larguar Kosova nga gjenerata e re të kemi një rritje të buxhetit për paga dhe mëditje nga Parlamenti i Kosovës. E tëra kjo e dëshmon faktin që në Kosovë në politik hyhet për të përfituar jo për të kontribuar. E tëra kjo mua nuk më befason kur e di çfarë aktiviteti ka pasur parlamenti viteve të fundit“, ka thënë Gërxhaliu.

Kontrolloni gjithashtu

Shaip Kamberi

Gjykata në Serbi ka vendosur të ripërsëriten zgjedhjet në Tërnoc të Bujanocit ku pritet që Shaip Kamberi të zgjidhet deputet

Shaip Kamberi është kandidati i vetëm shqiptar që ka mbetur në garë dhe ka gjasa …