Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Autoritetet e Malit të Zi dëshirojnë që të bëhet sa më parë zgjidhja e demarkacionit me Kosovën duke theksuar se kjo çështje nuk mund të ndikojë në marrëdhëniet dypalëshe në mes dy shteteve, madje Mali i Zi është i gatshëm ta mbështesë Kosovën që ky proces të përmbyllet. Kryetari malazezë, Filip Vujanoviq, ka thënë se ratifikimi i kësaj marrëveshjeje është në interes të qytetarëve të Kosovës, pasi nga kjo varet liberalizimi i vizave për ta. “Ne kemi mirëkuptim dhe po presim që Kosova të vendos për ratifikimin e demarkacionit. Ky është interesi i qytetarëve të Kosovës, pasi liberalizimi i vizave varet nga demarkacioni”, ka thënë Vujanoviq. Kurse kryeministri i Malit të Zi, Dushko Markoviq, ka thënë se demarkacioni nuk mund të ndikojë në marrëdhëniet dypalëshe. “Mali Zi është i gatshëm ta mbështes Kosovën në mënyrë që ky proces të përmbyllet”, ka thënë Markoviq. Në këtë kuadër ai vuri në dukje se shteti i tij është i gatshëm të bëjë disa lëshime për kushtet politike që i ka përcaktuar Bashkimi Evropian ndaj Qeverisë së Kosovës dhe qytetarëve të saj.
