Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Albert Dervishi, djali i heroit të Kosovës, Agim Dervishi flamurin që kishte mbuluar prindin e tij dëshmorë e mori me vete dhe u nis për në mërgim në mungesë të perspektivës për një jetë më të mirë në Kosovë. Ai e ka shprehur zhgënjimin dhe dëshirimin e tij që për 20 vite më radhë për liderët shtetërorë nuk ishte qëllim i idealeve të larta, por rrugë e milionave të pista. “Unë Biri i Dëshmorit (Heroit të Kosovës)- Sot mërgimtar ! Faleminderit Kosova ime e përvuajtur që me linde e më rrite. Faleminderit Kosova ime martire që më breza qëndrove për liri. Faleminderit Kosova ime për ëndrrat e bukura fëmijërore dhe shpresat e gjithkohëshme. Faleminderit Kosova ime e dashur për gjithçka… ”Faleminderit” “Shqiptar” e “Kosovar” që shteti për juve 20 vjet nuk ishte qëllim i idealeve të larta,por rrugë e milionave (a centëve) të pista. ”Faleminderit” “Shqiptar” e “Kosovar” që e zhveshët rininë e bukur nga çfarëdo lloj ambicie,shprese,dashurie për Atdhe. ”Faleminderit” “Shqiptar” e “Kosovar” që asnjëherë nuk menduat për përulje ndaj veprës së të rënëve dhe respekt ndaj familjeve të tyre, por vodhët edhe në përmendore. ”Faleminderit” “Shqiptar” e “Kosovar” që nuk deshta e më bindet se rruga e vetme e mbetur është ajo e largimit. E diku pata dëgjuar njëherë një fjalë: ”Për tu bërë si ta – duhet të veprosh si ta; nëse nuk dëshiron të bëhesh si ta- Largohu! Nga sot, edhe unë do të frymojë në dhe tjetër”, ka shkruar ai.
