Drejtoria Komunale për Arsim në komunën e Skenderajt ka nderuar me mirënjohje mësimdhënësit

07/03/2024 Institucionet

Për nder të 7 Marsit – Ditës së Mësuesit, Drejtoria Komunale për Arsim në komunën e Skenderajt, ka organizuar takim me mësimdhënës dhe veteranë të arsimit, në një ceremoni ku janë nderuar me mirënjohje mësimdhënësit e dalë në pension gjatë vitit shkollor 2023/2024. Kryetari i Komunës së Skenderajt, Fadil Nura, duke ua uruar 7 Marsin, u ka shprehur mirënjohjen e lartë të gjithë mësimdhënësve që kontribuuan në arsimimin e gjeneratave në komunën e Skenderajt. Me këtë rast, të gjithë mësimdhënësve që janë pensionuar gjatë vitit shkollor 2023/2024, u janë ndarë mirënjohje dhe dhurata. Ndërkaq, në takimin tjetër të organizuar me të gjithë mësimdhënësit e komunës, kanë marrë pjesë kryetari Nura, nënkryetari Sami Lushtaku, drejtori për Arsim, Kastriot Duraku, dhe drejtorët tjerë të Ekzekutivit. Kreu i Komunës i ka falënderuar mësimdhënësit për përkushtimin e tyre në procesin arsimor, duke i siguruar për përkrahje nga ana e Komunës në angazhimin e tyre për të edukuar dhe arsimuar gjenerat e tanishme dhe të ardhshme. Edhe drejtori për Arsim, Kastriot Duraku, i ka uruar të gjithë mësimdhënësit me rastin e 7 Marsit.

Kontrolloni gjithashtu

1 maj 1990 – Kuvendi i Pajtimit te “Verrat e Llukës”

34 vite më parë, me 1 maj 1990 u mbajt Kuvendi Gjithëkombëtar i Pajtimit të …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara