Drejtoria për Inspeksion në komunën e Rahovecit njofton të gjithë qytetarët se do të ndërmerr veprime të nevojshme dhe konkrete për ruajtjen e mjedisit dhe shëndetit të qytetarëve

05/11/2020 Institucionet

Duke marrë parasysh rëndësinë e mbrojtjes së mjedisit nga mbeturinat të cilat janë evidente në territorin e Komunës së Rahovecit, Drejtoria për Inspektim në Komunën e Rahovecit, lëshon këtë:

N J O F T I M

Njoftohen të gjithë qytetarët dhe familjet e Komunës së Rahovecit, se duke marrë parasysh rëndësinë e mbrojtjes së mjedisit si dhe rëndësinë e mbrojtjes së shëndetit të qytetarëve të Komunës së Rahovecit nga mbeturinat të cilat janë evidente në territorin e komunës së Rahovecit, Drejtoria për Inspektim në Komunën e Rahovecit do të ndërmerr veprime të nevojshme dhe konkrete për ruajtjen e mjedisit dhe shëndetit të qytetarëve në komunën e Rahovecit. Me këtë rast, me anë të këtij njoftimi, kërkojmë nga të gjithë qytetarët e Komunës së Rahovecit të cilët nuk kanë marrëveshje dhe kontratë me kompanitë të cilat operojnë dhe merren me mbledhjen dhe grumbullimin mbeturinave në territorin e komunës së Rahovecit si “Ekoregjioni” dhe “Ekodrinia”, ta bëjnë këtë sa më shpejt, pasi që në të kundërtën Inspektorët e komunës së Rahovecit janë të obliguar që të marrin masa të tjera si shqiptimi i gjobave mandatorë, të parapara me ligjet dhe aktet nënligjore të aplikueshme në Republikën e Kosovës për personat të cilët nuk lidhin kontratë dhe nuk regjistrohen në kompanitë të cilët janë të licencuara dhe të kontraktuara nga Komuna e Rahovecit për mbledhjen dhe grumbullimin e mbeturinave. Andaj, me anë të këtij njoftimi lusim të gjithë qytetarët dhe familjet e Komunës së Rahovecit, që në afat prej 15 (pesëmbëdhjetë) ditësh nga dita e shpalljes së këtij njoftimi të paraqiten në zyret e kompanive të cilat merren dhe operojnë me mbledhjen dhe grumbullimin e mbeturinave në territorin e komunës së Rahovecit, të bëjnë marrëveshje mbi grumbullimin e mbeturinave nga ana e kompanive të lartpërmendura siç parashihet me legjislacionin në fuqi. Në të kundërtën, Drejtoria për Inspektim në Komunën e Rahovecit, respektivisht inspektori për mjedise do të jetë i detyruar që të shqiptojë gjoba mandatorë për personat e papërgjegjshëm, siç parashihet në legjislacionin ne fuqi. Komuna e Rahovecit është e përkushtuar që qytetarëve të vet tu ofroj një ambient të pastër dhe pa mbeturina me qëllim të ruajtjes së ambientit dhe shëndetit të qytetarëve të saj, si dhe ndërgjegjësimin e personave të papërgjegjshëm të cilët hedhin mbeturina në vende të cilat nuk janë të caktuara për mbeturina. Me këtë rast, lusim të gjithë qytetarët e komunës sonë që të mbrojnë ambientin dhe rrethin në të cilin jetojmë sepse kështu rruajmë ambientin dhe shëndetin tonë dhe të fëmijëve tanë.

Kontrolloni gjithashtu

Shqiponja (Jabllanica) e Dushkajës festoi 25-vjetorin e çlirimit dhe nderoi veprën atdhetare të të rënëve në luftën për liri

Shqiponja (Jabllanica) e Dushkajës – kjo fole e atdhetadashurisë dhe dëshmi e qëndresës së pamposhtur …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara