Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri në mandat teknik i Malit të Zi, Dritan Abazoviq, ka mohuar akuzat se vota për anëtarësimin e Kosovës në Këshillin e Evropës ishte votë kundër Serbisë, por ishte votë për ta promovuar stabilitetin dhe bashkëpunimin rajonal. Komisioni për Marrëdhënie Ndërkombëtare i Parlamentit të Malit të Zi kishte caktuar seancë dëgjimore të Abazoviqit, lidhur me mbështetjen e Kosovës për anëtarësim në Këshillin e Evropës – ku nga 46 shtete sa ka Këshilli i Evropës, 33 votuan për. Kjo seancë ishte kërkuar nga deputetët e Frontit Demokratik pro-ruse, ata të Partisë Popullore Socialiste pro-serbe dhe Demokratëve, me sugjerimin e kryetarit të Komisionit, Miodrag Lekiq, të cilët ishin të pa kënqur me votën e Malit të Zi. FD-ja e quajti votën si politikë të turpshme drejt Beogradi zyrtar, ndërsa, gjatë seancës dëgjimore, anëtarë të kësaj partie thanë se vota e Malit të Zi ishte bërë sipas urdhrit të Amerikës.
