Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Dy Kryesitë e Sindikatave të Shërbimit Civil të Kosovës, janë tejet të brengosura dhe të shqetësuara jo vetëm me faktin se si kategori e nëpunësve të shtetit të Kosovës u anashkaluan dhe injoruan gjatë kontrabandimit të koeficientave të përcaktuar në Ligjin për Paga, por duke u trajtuar në koeficient si të ishin shërbëtorë të shtetit e jo ekspertë profesionistë dhe motor i shtetit. Ata me profesionalizmin e tyre përveç që ofrojnë shërbime cilësore qytetarëve të Kosovës ia përgatisin shtetit të gjitha aktet profesionale shtetërore. Ata thonë se me vetë faktin se Seanca e Kuvendit të Kosovës me rastin e miratimit të Ligjit mbi Paga u shndërrua në një treg biznesi ku kush kishte mundësi blinte dhe shiste koeficient për vota elektorale që për të gjithë shikuesit vendorë dhe ata ndërkombëtarë që e vrojtuan këtë ngjarje të shëmtuar u shqetësuan se si një seancë e Kuvendit të Kosovës mund të shndërrohet aq haptazi në një treg të shitblerjes së koeficientave për vota elektorale duke mos e respektuar fare as nocionin ligjor të pagës bazë dhe komponentët e pagës bazë.
