Edhe dy objekte të reja shkollore në Komunën e Kaçanikut

20/06/2017 Institucionet

Tre objekte të reja shkollore dhe disa objekte të renovuara, është bilanci i investimeve në arsim nga Komuna e Kaçanikut në bashkëpunim me Ministrinë e Arsimit, Shkencës dhe Teknologjisë për vitin 2017. Në fshatin Glloboqicë janë duke vazhduar punimet në ndërtimin e objektit të ri shkollor. Me këtë rast, Kryetari i Komunës së Kaçanikut Besim Ilazi, i shoqëruar nga Nënkryetari Remzi Elezi dhe drejtori për Arsim dhe Kulturë Enver Kamishi, vizitoi vendpunishten ku janë duke u realizuar punimet. Kryetari Ilazi tha se përmes implementimit të prioritetit të komunës së Kaçanikut në ndërtimin e infrastrukturës shkollore, vazhdimisht është duke u investuar në fushën e arsimit, me theks të veçantë në rregullimin dhe mirëmbajtjen e infrastrukturës arsimore. Kryetari tha se ngritja e cilësisë në arsim, mbetet njëri ndër prioritetet e komunës në vazhdimësi, pas kompletimit të infrastrukturës. Kryetari Ilazi konfirmoi se janë në përfundim të përgatitjeve administrative, për fillimin e ndërtimit të objektit të ri shkollor në fshatin Kovaqec, investim i tërësishëm i Komunës së Kaçanikut, ndërsa punimet janë duke vazhduar edhe në ndërtimin e objektit shkollor në Kaçanik të Vjetër. Ndërkohë, Drejtori për Arsim dhe Kulturë Enver Kamishi tha se objektet e reja shkollore që do të ndërtohen gjatë vitit 2017, do të jenë të ndërtuara sipas standardeve të larta të ndërtimit, ndërsa punime do të realizohen edhe në renovimin dhe fasadimin e disa objekteve të tjera shkollore.

Kontrolloni gjithashtu

Kryetari Latifi kujton 27 Prillin – Ditën e të Zhdukurve me dhunë në Kosovë

Kryetari i komunës së Rahovecit Smajl Latifi, ka kujtuar 27 Prillin – Ditën e të …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara