Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Shqipërisë, Edi Rama, ka reaguar pas ndarjes nga jeta të akademikut të njohur Rexhep Qosja, duke shprehur ngushëllime për familjen dhe duke vlerësuar figurën e tij si një ndër personalitetet më të rëndësishme të kulturës shqiptare. Edi Rama e ka cilësuar Qosjen si “shqiptar i mirë”, duke përcjellë një mesazh të shkurtër, por domethënës, në nderim të jetës dhe veprës së tij. “Lamtumirë shqiptar i mirë. Ngushëllime vëllazërore familjes, të afërmve e miqve të profesor Rexhep Qosjes”, ka shkruar ai. Reagimi i kreut të qeverisë shqiptare vjen në një moment kur bota akademike dhe kulturore shqiptare po përjeton humbjen e një prej figurave më të shquara të saj. Rexhep Qosja la pas një trashëgimi të pasur në letërsi, kritikë letrare dhe mendim shkencor, duke ndikuar fuqishëm në formësimin e identitetit kulturor shqiptar. Mesazhe ngushëllimi dhe vlerësimi për jetën dhe veprën e tij po vijnë nga personalitete të shumta politike, akademike dhe kulturore në mbarë hapësirën shqiptare, duke e konfirmuar rolin e tij të pazëvendësueshëm në historinë moderne të kulturës kombëtare.
