Eksperti amerikan mbajti në Ferizaj ligjëratë për policimin në bashkësi dhe parandalimin e terrorizmit

21/09/2018 Institucionet

Në ambientet e Kuvendit të Komunës së Ferizajt, u mbajt një ligjëratë ku rreshteri Braden Schrag, ekspert i sigurisë në bashkësi në Shtetet e Bashkuara të Amerikës, i ftuar nga Ambasada Amerikane në Prishtinë, ligjëroi mbi temat: Policimi në bashkësi dhe parandalimi i terrorizmit, si të bëhet bashkësia imune ndaj formave të ekstremizmit si dhe ngritja e mekanizmave dhe nismave të ndryshme për të ruajtur sigurinë publike. Në këtë prezantim gati një orësh eksperti Schrag shpjegoi para të pranishmëve format dhe praktikat më të mira të zbatuara në shtetet e zhvilluara, veçanërisht në Shtetet e Bashkuara të Amerikës. Të ftuar në këtë takim, ishin pjesëtarë të Policisë së Kosovës, ekipet vepruese për siguri në bashkësi, studentë, drejtues të institucioneve dhe zyrtarë shtetëror. Ata drejtuan disa pyetje dhe komente mbi këtë temë, me ç ‘rast morën përgjigje nga eksperti amerikan. Kjo temë zgjoi interesim edhe nga komuniteti, me ç ‘rast u prezantuan disa nja veprimet e ndërmarra në rang lokal nga institucionet gjegjëse. Rajoni i Ferizajt, paraqet një ndër zonat ku janë shfaqur elemente radikale, për të cilat janë marr masat adekuate përkitazi me legjislacionin në fuqi. Ligjërata e sotme shërbeu që të prezantohen më mirë para kompetentëve të fushës së sigurisë, mekanizmat dhe nismat e ndryshme që mund të ndërmerren me qëllim ruajtjen e sigurisë publike. Eksperti amerikan Braden Schrag, ligjëroi në kapacitet personal dhe pikëpamjet e tij nuk paraqesin pikëpamjet e Ambasadës Amerikane apo institucionit prej nga vjen.

Kontrolloni gjithashtu

KKSB në komunën e Skenderajt mbajti mbledhjen e rregullt

Këshilli Komunal për Siguri në Bashkësi, i udhëhequr nga kryetari i Komunës, Fadil Nura, dhe …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara